在世界上每個人都背負著自己背後的故事, 在社會上為自己的生活努力著...

可惜每個人所用的方法都有所不同, 有些人為求存不惜一切去害人, 欺騙人, 令自己得益... 這些自私的人比比皆是.

就是這些人令社會變得複雜, 人與人間都失去了互信, 很可憐.

 

自問很幸運, 在這個年代生於富足的香港. 從小到大沒多少風浪, 沒有捱過窮, 沒有抵過餓, 根本不知道甚麼是苦. 卻無意間得到了謀生的學問, 國際的視野.

很感謝爸爸媽媽, 在困難的年代, 放棄了自己的一切, 努力地養活了三個小孩子, 令他們往後的日子裡都不用捱得像他們自己的苦.

 

在成長中, 身邊一切一切都是簡簡單單, 身邊的朋友都是差不多背景, 大家都不用為利益去做些甚麼.

到22歲才正式出來做事, 見的人, 見的事多了, 才發現在我以前看不到的世界裡... 沒有一個人是活得簡單的, 每個人都要為自己的利益法寶盡出... 那管你是真情假意...還是老謀心算...

我很不習慣, 即使你如何付出真心, 都不會得到別人同樣的的回應. 或者我比他們更可憐吧.

就這樣, 我很想躲回自己的龜殼裡, 過簡簡單單的生活.

 

我仍有條件選舉!

尋晚瞓左一陣, 就惡夢來臨...d蚊又出哂黎, 仲要係好肚餓個隻...激死我, 想瞓好d都唔得!

其實一早已經有準備, 係門口點左蚊香, 不過睇黎效用唔大, 因為d蚊唔知會係邊度入到黎我間密封既房! 4點幾就起身展開大屠殺...係間房入面用左半個鐘殺左at least 20隻蚊 誇到爆! 最後仲要搬埋蚊香入房, 吸毒咁吸囉! 最後換黎3個幾鐘既好覺...應該值得既!

 

今個收到消息知道Arsenal既達施華原來斷哂2條腳脛骨...幅相真係好恐怖, 我睇完真係想嘔...亦加重左我既心理陰影...原本個張相就唔好係度post啦, 真係嚇親人...俾張模擬圖大家睇下, 就知當時有幾恐怖...

 

自從膝部多次受傷, 最後仲撕裂埋半月板要做修補手術, 我自己其實對運動受傷已經有恐懼. 每次睇到呢d受傷鏡頭都我咬牙切齒, 亦令我更加唔敢劇烈咁去做運動...其實我真係好絕望, 因為我實在好喜歡運動架...

 

又一次歡喜再失望, 點解你咁唔負責任呢?

今日無節目, 本來打算約好耐無見既皮皮bobo食個tea, 順便攞返借左俾佢近半年都無意思還既NDS, 同埋係上水搵波打或者跑下步.

起身食完飯搵皮皮, 約佢3點佢竟然話太早...但我又想打波無得遲喎, 就唯有話打完先搵佢. 但去到上水已經4點幾, 本來話打波既pig生已經同佢d衝勁波友開緊波....咁我呢d老人家都係無謂join啦, 企左陣睇波, 等到老簡放工, 又同佢係上水行下啦...

 

打俾皮皮bo叫佢唔好突登出黎俾返部機我, 反正都想同佢傾下計, 聽下佢升職加薪既情況, 點知佢又係電話到屈我請食飯...激死!

 

行到去北區運動場, 呢個小時候有好多回憶既地方...

少不免要懷緬一番...話說當年我係呢個場上得過唔少榮耀同fans (我自己認為...), 連續五年既鉛球冠軍, 100米既驚人(對肥仔黎講)速度....可惜...都過去了!

尋日放工後, 約左pig 兩丁友一齊去唱k, 抒發發下心中既愁緒!! 順便等埋老簡放工去食飯補祝佢生日.

 

遲左d放工, 急急腳走去搭亡命小巴出旺角. 一上車如常俾錢, 但司機大佬竟然話唔夠...咩事呢, 原來加左價! 由荃灣去旺角既小巴, 10蚊加到11蚊, 升幅有成10%, 真係加深左體驗通漲既壓力!

 

pig生先到, 叫佢先去開間房, 咁佢到左就confirm旺角中心Neway...佢話等緊我上去, 咁我一到步就成支箭咁飛去旺角中心搵佢, 上到5樓..e..佢唔係度喎, 咁就打個電話俾佢問係咪係4樓...誰知佢既答案十分驚人, 原來佢以為neway city係旺角中心, 真係吹漲!跟住我就再飛過去個邊, 搞到我死咁滯...

 

男人KTV--2條友就係係間黑房入面唱歌唱到七情上面! 死去活來! 聲嘶力竭! 盡吐心中情...唱到4點鐘就俾人趕走左, 之後就係旺角漫無目的周圍行...連好耐無去既信和都行埋就等到老簡出現, 但已經開始落雨...對於幾個無主見既人黎講更加麻煩, 左行右行, 最後決定去尖沙咀食唔係自助個隻韓燒...

 

可惜去到目標地點後, 無靚位坐, 就只好放棄, 跟住就係落住雨既街上面走黎走去...行左諗左hea左大概一個鐘左右, 決定返漢陽苑食自助韓燒 (最後竟然係咁...). 等左唔使5mins就有位啦, 間野裝修個黎, 不過都無乜特別...之後就開始食呀食,  食呀食...

 .         

呢兩條友仔真係犀利, 竟然仲會鐵板炒烏冬...真係第一次聽...不過都幾好食架!

 

食完野, 去左行一陣. 去左睇衫, 其實好耐無買過衫, 因為始終要人幫下眼先得, 今次有兩條友, 當然有收獲啦!

行完就行返去紅磡搭火車返上水走人.

 

返到上水見到江秉同Cherry著哂老西向石湖墟方向行緊, 我心就忽發奇想--你2條友唔係著到咁型去dup骨呀???

尋日星期六, 一如以往般痛苦地一早起身, 就匆忙出門口趕巴士, 係巴士上又再瞓一陣...返到公司開會-- 一星期最難捱既節目!

放工個人都已經散哂, 以後落去整日既節目都只能帶住一個沒靈魂既空殼去參與...

星期六返半日基本上對我黎講係全日工作, 極度難捱啊!

 

通常星期五晚從大陸返香港, 都希望返屋企, 陪屋企人食下飯, 一齊睇下電視, 畢竟一星期只有一兩日相聚下, 我見老闆既時間比見佢地既時間仲要多!

食完飯休息一陣, 都已經差不多十一點, 就會準備聽日開會資料, 再加上係網上面都朋友們chitchat下...咁就通常已經係3點, 第二朝就7點半左右起身...

 

雖然尋日都係一樣情況, 但我一d痛苦都無! 而且仲非常興奮!

從下星期開始, 我就會向呢種生活講byebye! 哈哈哈! 因為公司跟隨香港政府既推動, 改行五天工作政策, 所以以後星期六都唔使返工!

今日係正月十五, 係中國既情人節...雖然過去既十年情人節都唔關我事, 但今次我竟然作出左我人生既第一次! ie 買花 & 送花俾女仔..

總共買左18支玫瑰, office內每位女士一人一支, 好多人第一反應都係"大情聖"之類既comment, 但其實我自己無咁既意思, 亦都唔知點解自己會咁做, 但只係付出少少, 就可以令十幾個人開心, 整個office氣氛好一d, 咁唔好咩? 唔一定要有其他目的架!

 

另外, 決定左將上星期六春茗晚宴, 抽奬抽到既大陸牌手機轉讓俾黃小姐. 呢部手機雖然係大陸牌, 但佢既function實在唔講得少, 應有既都有, 比起大牌子既function 有過之而無不及, 手寫, 手搖control, bluetooth, touch screen, 仲要係可以插雙咭, shit! 最可惜佢只係支援簡體同英文, 對我地香港人黎講實在麻麻地, 掙扎左幾日終於讓出...

 

尋晚再一次徹夜難眠, 我連自己想點都唔知... 真係無諗過自己會咁唔理智, 所以估唔到咁多人會因此走去跳樓...一個人好難捱, 我真係homesick了...

為什麼我這生人總是你快樂, 所以我快樂呢?

始終無辦法理解同融入大陸既文化. 今日工廠既人請食飯, 唉, 經過上次一役, 今次已經講明唔會飲酒, 可惜大陸文化始終係大陸文化, 淨係開紅酒啤酒, 唔開白酒(大陸個隻)已經俾足面. 唉...俾人灌真係一d都唔好受, 尤其當你本人係非常唔鐘意飲酒...可惜係呢個俾面派對, 你無得選擇...唔飲=唔俾面, 咩歪理? 講明唔掂都要逼飲...飲酒好開心咩, 我又唔覺... 係好辛苦既情況下唯有扮醉蒙混過去...力保唔湯實在難得..但係搞到自己唔清醒...係我最討厭...點解d人鐘意麻醉自己呢? 點解要逃避現實呢? 點解k仔咁好賣呢? 

 

Mr Kan 問我點解個blog一個星期先寫一次做summary咁, 而唔係日日寫, 始終俾佢睇穿左我係lazy, 有時真係好難搞...因為我既寫作唔係咁掂. 但我會努力改善既! o岩o岩踏入左20號, Mr Kan生日快樂!又大一歲啦, 希望你快d搵返個真正既人生目標啦!

 

今朝聽到肥肥件事, 其實我諗大家都有心理準備聽到呢個消息, 但到真正來臨既時候, 真係令人有d傷感, 畢竟佢真真正正係陪住好多香港人長大...呢件事亦令我對人生有好多反思, 究竟人生既意義係咩, 當一個人走左既時候, 其實留下既一切都無意思...留下給別人既回憶又有何用呢? 咁人生要點先有意義呢?

 

答應過自己要早訓, 可惜仲做唔到...養生實在好重要啊!

聽日就係14日長假期既最後一日, 時間真係過得好快!

基本上除左去左江南幾日之外, 其他既時間都係hea過...真係好浪費...

Hea既程度實在係我自己都估唔到咁緊要, 因為我竟然兩個星期內無睇過書+無睇過dvd, 連旅行d相都無執過....咁我究竟做左d咩呢? 唔知...

 

2008-2-10

又因為無聊得滯, 再次應波痴既要求踏上球場...4個人波痴+crab+pig+我, 就咁係天寒地冬既球場上消磨左幾個鐘...但真係好耐無同crab係球場上見面lu...

打完波後, 就打算一齊去食飯, 但之前就"順路"上左pig同crab屋企拜個年, 哈哈~~多謝吳太, 多謝李太! 之後係上水新屎坑打算去元氣試下, 但經過間大家都未試過既目黑又睇睇, 攞左飛要等位咁就再去元氣睇睇, 嘩...乜上水咁多人想試新屎坑...之後就係目黑食, 但呢間野真係麻麻...竟然連鼓油碟都洗唔切, d野又唔好食加貴價唔飽...最後急急埋單再去潮興一人補碗粉!!! 好明顯再幫襯呢間目黑既機會係..0!

 

2008-2-11

初五, 大部份人都開工lu. 因為想學沖coffee, 所以向coffe大師簡sir偷師. 佢放學後, 約左佢出沙田睇咖啡機, 經過佢一輪既講解後先發覺呢門學問唔簡單, 真係有排學. 而且一部咖啡機都要過2千, 所以要睇定d先.

好耐無同簡生行沙田lu, 上一次可能已經係中學時代去補習既時候...今日既新城市廣場同西田都已經面目全非, 真係唔知係轉變得太快定係我太耐無去呢.

 

跟住就搵左d野食, o岩o岩係上海返黎就搵左上海野食...奇怪...

  

呢間野叫唯一都幾好食既, 亦唔算貴...

回程既時候走左去搭70號, 好凍and好"chok", 我地兩個差d反胃, 本來諗住返上水搵下場, 都打消左念頭...

 

2008-2-12

終於有一日無野搞留係屋企休息下, 夜晚曹生走左上黎拜年, 阿媽就用打邊爐黎招呼佢...

   

 呢個係小肥羊既麻辣湯底黎架! 通街有得賣!

 

2008-2-13

 約左型gip同江秉係上水食晚飯. 瞓到不見天日既我, 一起身整理下d野已經成3點半, 諗住要出MK整wii, 於是即刻急急腳走去銀行, 搞埋人仔戶口d野, (如果唔係, 一開工我就唔會再見到銀行開門) 點知真係排到成5點先到我, 搞搞下已經成5點半...就飛出去MK, 問左幾間改wii都要成5舊水...好肉赤呀...呢部免費wii 真係唔要好過要..放低左部野, 買埋要買既野就飛返上水, 遲左半粒鐘..

本來諗住食打冷, 但原來休息未開市, 最後就去左恆樂軒食...但無乜選擇, 同唔係太好食...水準比以前差左但貴左...

跟住就去左rainbow食甜品, 呢間野真係好旺, 生意好到離哂普, 又係個句, 我地幾時整返間呢?

 

2008-2-14

今日我連自己做過d咩都真係唔知...就係咁hea過左...

 

旅行返黎已經第四日, 都仍然未的起心肝寫遊記. 可能呢個旅程實在有太多野值得分享, 而我仍然未組織到點寫...但可以先俾出結論--玩得開心!

 

呢幾日放假, 個腦完全唔想轉, 可能因為心裡面卻有好多煩惱(自己攞黎煩?). 有好多想做既野都無辦法做到...

 

身邊既人都陸陸續續開工, 好似只剩我一個放緊假, 想搵朋友陪下都唔得, 真係無奈...睇黎呢種無奈, 下年仍然要面對...

 

話咁快又到農曆新年, 話說感覺好似剛剛先去完加拿大返黎, 原來又已經一年了...仲好掛住係加拿大既表哥表弟同表姐, 同埋我d表姪仔女...

 

今年又一次選擇唔係香港過年, 今次目的地係華東地區--杭州, 蘇州, 無錫, 上海...5日去4個地方, 夠哂充實...但話左呢世人唔會再跟團既我, 又要再一次屈服...無辦法, 同屋企人去, 別人安排始終會好一d既. 仲有2個鐘, 即係凌晨5點, 就要係機場集合...真係救命...

呢幾日聽新聞都好留意, 有關內地雪災既問題, 聽到呢2日已經去到華東地區, 但我實在都唔係好在意, 因為相比歸心似箭但返唔到屋企既民工, 我地去唔到一次旅行實在唔算得係d咩...

 

由於新年期間都唔會係香港, 所以係度先向各位朋友仔拜個早年, 祝大家

今日終於正式掀起左14日假期既序幕, 但心情仍然係平淡, 因為實在太漫長. 呢個係做merchandising既好處, 同時亦係壞處.

本來今日打算去上水買d野同整d野, 但因為訓到成一點, 太遲起身既關係, 俾曹生走甩左... 咁唯有落上水買野同換日日升唔停既人民幣, 但咁o岩聽到有人想打波, 就即興地走到球場上... 做運動對我黎講已經係越黎越遠既事. 因為膝頭既問題, 根本上我已經唔夠膽做劇烈運動. 而家每次到球場上, 都只會成為隊友既負擔...真係要講想唔好意思. 只能嘆息歲月不留人, 而家同d o靚仔打波, 就好似見返自己以前咁, 個種衝勁, 膽識同勇氣, 就只有個個年紀先會有...的確令人好懷念!

 

打完波之後, 就搞哂要搞既野...途中又係上水撞到毅力同佢媽媽一齊行街, 真係孝順仔~

之後, 就同老簡去食飯, 搵唔到野好食, 最後又入左元朗搵野食. 但到最後我地都係食返日本野...呢間"御品"d野食總算ok, 點都好過前2日個間"七福神"...

                     

食到太飽了, 節食計劃又失敗左!

不經不覺這個blog已經有了2年半的歷史. 從開始到現在, 它被update的次數並不頻密, 因為主人的生活及心情指數經常維持著水平線的狀態, 而且他的文字功力沒有太高的水平.

 

但生活沒有起落(波幅 in financial term), 好像有點浪費(time value 每天都在lose in warrant term). 所以要故意去生事, 目的是為了豐富這個blog的內容.

就這樣, 近日很有衝動去寫, 把在波幅中的一點一滴都不遺留.

 

寫blog的, 一直很佩服皮皮BoBo(Lam), 因為他的blog是我所見的, update最頻密的一個. 因此贏得了很多觀眾, 所以說得上很成功. 唯一不滿的, 是他經常在blog中, 嘲笑屎波波! 我想我要還擊了.

 

 

今朝係極嚴寒既天氣下, 遲左15mins先起到身. 出門口時老豆又提一提出面落緊雨, 叫我帶umbrella, 不過從來落唔落雨對我都無影響...我都係唔會帶

落到樓, 又係凍, 雖然比東莞暖dd, 但始終都唔習慣.

行到巴士站, 巴士o岩o岩走左, 排頭位呆企10mins等車. 上到車搵個最佳位置坐, 好, 開工--瞓! 架車埋第二個站, 我都仲有少少知覺, 個時大概開左車5 mins到...

之後到我打開眼既時候, 隔離位既女士原來已經轉左男士, 同埋架車已經到左荃灣... 好彩位男士都係同一個站落車, 郁郁先整醒我... 如果唔係我諗我遲到會唔只半個鐘

天氣極度寒冷, 一個人在房間裡, 自己獨自顫抖...

眼光光到天光... 心裡千萬種煩惱, 有誰了解?