Fay Ho 的个人资料一個人的精彩照片日志列表更多  |  工具 帮助 |
|
2008/3/20 驚魂未定今日下晏再次出差去睇童裝批發市場, 今次目的地係東莞虎門.
由於話遠唔遠, 話近又唔近, 又唔識自己搭車, 所以包架車去.
坐左成個鐘, 終於到左虎門既大型服裝批發既集中地, 落車第一件事係去搵野食...成三點鐘, 早餐都未食!!
附近無乜選擇, 只有味千同KFC, 為左快快食完, 揀左KFC. 但估唔到呢個係一個錯誤既選擇.
排隊買完野食, 隨便搵個位坐低就食, 一切都正常無乜特別...
食到一半...睇到門外走左為數大概十個男人入黎, 我心裡面仲諗 "d工人咁有錢黎食KFC?"
呢班人向我既方向行過黎, 係我前面坐左兩個男人既枱前停低左, 我又諗 "點坐十幾個人呀? 張枱咁細..."
就係呢一刻, 眼前唔夠3米既十幾個人突然起哄!!! 而且有所動作, 而且有波及到我既勢..."oh shit 大佬劈友, 唔好搞到我..."
即時棄餐而逃, 走到去一個較安全既位置, 再睇睇發生咩事, 原來個十幾個人要制服個兩個男人, 而佢地又不斷反抗...
最後2個被人禁左落地下, 手被人向後屈到90度角, 腳俾人踩住, 班人仲有手扣扣住佢地...原來呢班人係公安!! 真係流哂汗...
之後就拉左個2個人出去...驚魂未定既我, 企係度呆左陣, 都唔知想點... 最後決定放棄剩底個半個餐...嚇死啦無胃口...
呢個場面猶如電視裡面既情節一樣, 估唔到竟然係我面前上演!!
談論主題 2008 的 1984
引述 2008 的 1984 2008/3/19 忽然受傷今朝一起身發覺左膝做過手術既地方突然非常痛, 平時某d位置/動作都會有d痛, 所以不以為然.
但到落樓梯既時候, 先發現膝頭仍然非常痛. 我諗係受左傷...但我尋日除左坐係電腦前面就無做過其他野, 咁究竟咩事呢?
估計係講電話既時候, 掛住鬧人發爛, 搞到坐姿唔正確, 屈埋隻腳坐...就咁就整傷左
 究竟我左膝算唔算全癒呢? 定係成世都要受呢種折磨呢? 2008/3/18 dream! target!今日無意中發現左呢個網, http://www.bec08.com/
2位香港既年青人, 從2008年初開始從香港出發, 踩單車環遊中國...睇下睇下心裡面真係有感動, 亦有衝動...
係網入面佢地紀錄左每一日既歷程, 好正!
睇到呢個網覺得自己去年所做既, 相比係佢地, 真係小巫見大巫.
我好羡慕佢地, 因為我唔知仲有無咁任性既機會... 我年紀唔細了.
環遊整個中國其實的確係我下一個目標, 但從來無諗過咁夠疆去踩單車.
佢地提醒左我, 原來我己係忙碌既生活中, 忘記左自己既興趣...踩單車!
而家我真係好想再任性多一次呀... 新聞自由?今日如常返到黎東莞返工, 食完飯搭白牌車既時候, 路過油站見到無油入, 大陸又黎油荒...
講下講下, 司機胡就好扯火咁話d油又乘機加價, 美金明明跌緊d油仲要加價...^%$#!%^&xyz...
Tim兄指正原因皆自石油同時亦大幅漲價, 可惜司機胡無法平伏心情, 並堅持自己既xyz有道理...
到講股, 今日香港, 中國股市同時大跌, 當然好大原因係因為美國既壞消息影響, 但當然亦關西藏既政治問題.
西藏暴動係呢幾日既國際熱門新聞, 可惜司機胡竟然蒙然不知, 原來大陸封鎖新聞消息真係咁厲害...
係呢度睇TVB/ATV既news, 亦都俾人cut左西藏部份...
唔知到活在大陸裡面既同胞, 係幸福還是悲哀?
從投資角度去睇, 呢個絕對係一個悲哀, 司機胡唔知美國既國際油價上升, 唔知西藏既政治動亂...
從小市民既角度, 活在一個簡單既小鎮, 小城市內, 可能真係一種幸福. 2008/3/17 又一day!今朝瞓到12點幾起身, 唔想瞓咁晏, 因為夜晚會瞓唔著...
起身就食媽媽既早餐, 又係極豐富...飽...
今日無節目, 只係打算出去幫同事買DC, 結果約左老簡陪我出, 但先到上水睇睇順便會合佢...結果唔使10mins已經買到!
跟住因為佢未食野, 而去左食KFC...肥死了...
跟住無聊無野做, 就即興搵pig打波, 最後同d小朋友打, 打3場竟然輸左2場...不過醉翁之意不在酒, 有運動已經唔錯!
返到屋企o岩o岩做緊奬門人, 好搞笑呀!!! 奬門人呢個節目難得真係可以令我開懷大笑, 真係希望佢會繼續做落去  2008/3/16 失望而回今日約左皮皮Bo出去book機票/package, 可惜真係失望而回. 除左想去既台灣&曼谷, 其他地方都全一齊full哂...甚至連澳門都無...陰公...真係有d失望, 唯有再作打算...
之後就同佢搵食, 皮皮想食日本野, 咁就行下睇睇, 經過2間板前壽司既墟撼場面, 都知道係旺角要搵食實在唔容易...實在無辦法明白點解香港人真係咁鍾意排隊, 無論任何時間經過任何一間板前都必定有好多人排隊等位, 唔通真係好食都咁?
結果就同皮皮一直往佐敦方向行, 行下行下沿途都無乜好食, 不過又見到排隊既香港人, 排隊食煲仔飯, 排隊買雞蛋仔...痴線....
結果行到去尖沙咀山林道先搵到食...去左一間門面高檔, 但內裡平民既菊日本料理. d野食都係中規中矩啦...
呢個所謂既壽司燒賣...真係騎呢...不過都ok好食...
貴就唔算太貴, 不過終於俾皮皮屈左我請啦...
食完就趕住返上水, 會合江彬同logip去飲野同攞佢既紅色炸彈...
行去火車站經過polyu既途中, 竟然撞到著到鬼火咁靚既芝姐, 佢仲叫我地一齊去飲野(據估計佢應該約左唔少女性既friend
 , 雖然我都好想join, 不過我已經有約, 唯有下次先啦(記住叫我呀!)返到上水去畢打奧join埋江彬同型gip, 原來仲有超過十年無見既麥9, 飲左幾杯, 睇左曼聯符碌贏波後, 本來約左pig唱k既, 可惜佢比我更小器, 遲左45分鐘o者, 咁就無出到去啦.
之後返屋企就要轉2程車, 先搭小巴去元朗, 再轉N269返屋企樓下...一切都順利, 但當架N269入到天水圍, 仲有2個站就落車既時候, 我竟然受酒精影響...瞓著左!!!
 經過屋企樓下過門而不入...架車到左總站, 仲要司機先生上黎叫醒我 ...極嘲!!!跟住係行路返去同搭的士返去之間爭扎, 結果一路行, 一路想截的...可惜d的士竟然唔理我, 一怒之下就決定行路返去...
結果就係凌晨2點幾係天水圍行街...(沿途都有好多少女喎
 ), 最後用左30分鐘由天水圍最出行到最入, 唉....所以話呢, 酒精害人呀!
返到屋企開電視睇Arseanl場波最後10mins, 竟然係主場輸緊波...雖然最後都追返平手, 但已經俾曼聯過頭啦...睇黎我同Arsenal一樣既低潮都一直繼續持續落去喎...
2008/3/14 世事如棋估唔到同咁快又同Connie做返同事, 哈哈!
今日出差去左廣州既童裝批發市場搜尋下資料, 再一次遭受到大陸同胞既歧視.
呢種感覺唔好受, 尤其從來帶點傲氣既香港人.
其實好唔明, 生意既野唔係要外國人先會出得起價錢, 點解自己同胞都要歧視呢? 定係怕我地國家最強既複製技術怕得咁緊要呢?
係廣交會都已經受盡歧視, 估唔到今日又係咁, 感覺好差.
又估唔到同Kenny & Tom 可以係茶山再聚!
thanks Kenny 特登飛的過黎, 一齊食下野傾下計.
知到佢搵到份好工, 好替佢開心, 希望順順利利啦! congratulations to cousin Lawrence and Linahave received the pictures of cousin Lawrence's new born baby girl, congratulations and welcome, Katie.
and also the picture of cousin Stephen's baby girl, Sakari, who is really really cute!
I wish I will see you very soon  ~~2008/3/9 發髮法今個星期打算去剪頭髮, 由於同pig都想要d突破, 所以決定轉一轉salon.
之前見老簡個頭剪得有型, 咁當然想跟下風, 借佢個髮型師黎用用...尋晚就搵佢幫我地book, 真係麻煩哂要佢一早就起身幫我地book.
瞓到老簡打黎confirm就起身, 食完媽媽準備既(太)豐富早餐, 就搭車去尖沙咀.
巴士去到入尖沙咀既路口就開始慢左落黎, 結果短短一條廣東道, 竟然用左半個鐘先過哂, 但條路係完全無出問題, 究竟點解要塞呢, 真係唔知. 畢竟尖沙咀既塞車情況真係越黎越壞.
結果遲到半個鐘, 去到pig已經剪完, 只係等染... 師傅就即刻問我想點剪 (其實我expect佢應該俾suggestion我), 結果我選擇左長少少既髮型, 再加highlight (唔想咁傷頭髮!).
搞下搞下, 竟然搞左成三個鐘先搞掂...好辛苦. 完成左之後, 我同pig都對望而笑, 因為大家從來都無試過咁潮既髮型...佢仲話我可以加入MK行列喎
 咁經典既時刻, 當然要影張相留念下啦...
雖然價錢比較貴左d, 但如型gip所講..."型係要付出代價既"...但總算係expect之內...
剪完係尖沙咀行左個圈, 親眼見證左自由行對香港零售界既影響之後, 就搭車返上水, 上型gip屋企同型興一齊打邊爐...
返到去既時候, 佢地已經準備好哂d野
, 等我開始....佢地見到我個新髮型之後, 都無一不驚訝...所以呢... 我求變係無錯架...之後一路就咁烚下烚下, 食到飽死咁滯...
係打邊爐既同時, 亦睇到Portsmouth替Arsenal報左仇...對唔住型興型gip, 雖然我無表現出黎, 但我真係好心涼呀...hahahahahhaaaaaaaaaaaaa
之後大家睇返以前d相, 感覺好奇怪, 亦好搞笑, gip既photo record入面有一張係我93年送俾佢既聖誕咭, 內容極嘲...真係令人笑到收唔到聲. 原來我地已經相識左咁多年lu... 2008/3/8 20080307今朝早上Connie返左黎 DG office, 已經一年無見過佢啦, 但估唔到佢做左人地媽咪之後, 都仲可以係咁瘦, 而且仲靚女左喎!
見到佢真係好開心, 因為佢除左係舊同事之外, 亦係我既好好朋友.
簡單, 真心既朋友真係唔易求架!
晚上又再走到球場上, 發覺自己身體既感覺越黎越好, 爭勝既決心又慢慢培養出黎啦! 不過通常隻腳就會係呢個時候出事...好彩今晚無事.
不過我諗一定要keep住做運動, 先有機會真正回覆當年勇. 2008/3/7 恭喜~昨天收到江彬既電話, 一個十幾廿年前既小學死黨, 通知我, 佢要結婚了! 真係恭喜哂!
其實之前已經收到風, 不過無諗過聽到佢親口confirm, 就更加開心!
又忽然間發覺自己已經唔細啦, 人地都結婚啦, 你仲係度做緊乜呀??? 2008/3/6 春天的巴黎!3-March 聽到老簡順利登上左飛往巴黎既客機, 而且仲有特別待遇! 真係好替佢開心, 因為佢為呢件事已經煩左成個月.
雖然只係短短2日, 但都祝佢玩得開心啦!
我到過巴黎都差不多一年, 同logip都仲好懷念當時既日子,同個度既每一件人同事呀!
今個3月尾, 亦有一個4日既long long Easter weekend, 雖然錢就真係無乜, 而且只係o岩o岩旅行完返黎, 但真係又想出去行下...唔想又白白浪費左難得既4日假期!一年真係無幾次咁既機會.
其實短假期, 第一件事諗既當然係北望神州...但都唔知去邊好. bomber叫我去上海 (我o岩o岩係個度返黎喎
 ) or 廣州 (唔好浪費我d長假期啦) , 另外皮皮bobo又搵我, 但佢堅拒神州喎...好難搞! 佢話台灣我又只係一般, 東南亞國家又無乜邊個想去...煩!無論如何, 我唔想最後係長洲囉... Weekend尋晚難得有心情想寫blog, 竟然MSN network有問題而寫唔到! 前晚上網又俾人cut左LAN線, 激死
 上星期五係我出黎做野3年半以黎第一次感受到friday nite, party nite既興奮, 晚上放工後就係HK office逼巴士返屋企(好耐無試過)換衫再去上水打波, 好tired but
成班老鬼又聚首球場...
因為前一晚瞓得好差, 個晚一瞓就瞓到第二日一點幾. 結果就係屋企休息左一整日.
星期日一早同bomber去左大嶼山行山, 好健康呀!
今次行分流, 又一個十年啦, 對上一次行呢度exactly就係十年前. 不過印象仍然好深.
就係咁由石壁行到去大澳, 好慢咁行左total五個鐘, 好彩雞生無去, 如果唔係佢又會嘈嘈閉. 但可惜係另一位昔日行山好友, 已經失去自身既自由, 而無辦法出席.
去到大澳食左少少野, 本來打算搭船返屯門, 因為咁樣會快好多, 但竟然無位...咁唯有搭如過山車既巴士出返東涌走.
去到東涌既東薈城, 本來打算去買皮帶, 但搵唔到, 最後竟然俾bomber極力慫恿下買左對完全無關既 Jordan 8復刻... 不過相對下又真係幾平既.
雖然隻顏色唔得, 不過個款點都好過而家d新款, 而且只係打算著黎打波o者, 無乜要求.
係呢日, 我發覺左bomber已經跳入左另一個level, 我有d望塵莫及... |
|
|
