Fay Ho 的个人资料一個人的精彩照片日志列表更多  |  工具 帮助 |
|
2008/5/30 cooking某年月日...
朋友M: 點解你唔自己煮野食? 出面食好唔健康, 而且又貴...
我: 係呀, 尤其係大陸, 全部食既都係油, 而且係豬油...但我唔識煮野食...
朋友M: 唔係呀? 自己買個細電飯煲煮啦! 我個friend出trip都係咁啦..
我: 但係我未用過電飯煲喎, 可以煮野食既咩?
朋友M: .........
一星期後...
朋友M: 點解你d衫要每個星期帶黎帶去咁麻煩?
我: 廢事洗啦, 幾日o者, 自己洗無可能啦, 況且都無洗衣機.
朋友M: 咁你買部洗衣機咪得囉!
我: 話時話, 我未用過洗衣機喎, 唔識operate呀...
朋友M: .........
發現自己真係好....廢...從細到大係屋企, 乜都唔使做, 乜都唔識...如果我係荒島肯定好快餓死...
一直都好想學煮野食, 不過係屋企絕對無機會入廚房(已經因此事埋怨媽媽多次...但不果)...
唯有襯唔係屋企既時候, 有機會試下自己整d簡單野食...最緊要係唔使再食咁多豬油!要健康!
雖然真係好簡單, 但....俾d時間我...慢慢黎...
歡迎各方好友提供食譜!
P.S. 所有食物材料均需由香港運到...以確保安全...
2008/5/29 劣評 - 食肆今日朋友P send左篇雜誌 (or報紙)文章黎, 睇完真係心寒, 原來蘇絲黃真係講得o岩, 廣告佬真係呃人架! 個篇介紹所講既就係我2月個時去過食, 食完真係令人極度失望, 所以影左d 相都收埋唔post出黎, 估唔到今日用得著...因為個篇文章所講既大話實在令人憤怒, 所以唔想其他人再中招...鐵板燒絕對係唔可以係旺角食...
名唔講, 自己睇相. "羊扒要幾成熟? " "8成呀唔該"...8成熟既羊扒點解識流血既? 朋友P: "可能頭先係問你幾成唔熟, 而家咪8成唔熟囉!" ....2個人埋單3百幾, 仲有capacity可以食多個M記!
post開又post另一間近期試過既貴價唔飽...
Japanese + Burger 大纜扯唔埋...完全無特別可言...份量少, 加2蚊既大汽水原來係將冰加到3/4杯咁高... 2008/5/28 Happy Birthdaytoday is my sister's XXst birthday, here i wish her a very happy birthday! getting younger every year
 and a nice trip to thailand...(why thailand again? more than 10 times, isn't it?)also am sure she will get what she really deserves in every aspects in her life...that currently she is trying very hard to fight for...all of us understand...GOOD LUCK! 充實週末17-May 星期六
一早9點幾, 就俾曹生打電話黎叫醒, 唔使返工呢個鐘數起身, 對我黎講簡直係天方夜譚... 不過佢每隔15mins打一次黎追call, 最終都要屈服...
佢係上水踩車過黎元朗, 咁我十點幾落樓踩去元朗join佢, 臨出門口阿媽竟然整左早餐...逼於無奈食埋先走啦, 唔好意思喎曹生...等我食埋早餐先啦...
落到樓, 諗住行下第二條路, 入城中可能會快d...踩下踩下發覺原來入左呢個城5年半了, 都從來無行過入面, 整條路都好陌生...途中見到好多晨運客, 仲有幾個人係樹下面開檔20蚊剪頭髮....勁! 最後, 我迷路了...花多左至少15mins先走出圍城去到元朗西鐵站會合曹生, 點知一黎到佢話--搵個地方食完野先起行啦! 就係咁連食兩餐...
跟住出發, 但...同一時間曹生問我點行呀, 我問曹生點行呀....oh my god...原來大家都無搵路...所以跟住既路程係咁既...由元朗 --->(迷路) ---> 屯門兆康 --->(迷路)--->屯門大興--->(迷路)--->屯門西鐵站--->(迷路)--->三聖...幾經辛苦搵到三聖啦, 有出路啦...上斜上斜...攞命...救命...經過黃金海岸, 一直沿青山公路踩呀踩...又上斜...oh...又上斜...shit...沿途都見到有車友, 如履平地...而曹生亦係前面等左我好多次...睇黎真係要操操先得...
經過左青龍頭, 深井, 麗城...我地終於都到荃灣啦...到左既時候雙腳已經軟哂, 仲有想抽筋跡象...好彩, 今晚約左食飯, 再踩就趕唔切啦曹生..哈哈哈...搭巴士返屋企沖涼換飯準備今晚食飯啦~
晚上約左好耐講左好耐既日本鐵板燒之行(oh sorry係去係深圳架o者)終於confirm...雖然最終都唔齊人, 不過都要出發啦, 如果唔係下年都食唔到呀...sorry 呀奴隸獸, 下次早d攞permission啦, or你仲有choice架喎, 呢個世界唔係得一個主人only, 如果唔係真係好似pig所講, 自己攞黎賤...
 約左大家6點係上水火車站, 結果6:50齊人...pig生勁, 雞生勁...勁勁勁遲...曹生叫book位...搞左一輪終於book左8:30...
結果7:45就去到, 報一報到既時候, 曹生...你無book喎, 無你個名喎....ooooooooo哂咀...不過最後都多謝盡責既waitress姐姐安排到我地8:20就入左去啦...賺左...各位, 下次記住唔好book位啦, 扮book左就ok架啦....嘻嘻...
跟住就食食食...d野幾好食架, 自己睇相啦...我已經食過好多次, 所以先介紹俾各朋友, 佢地都係第一次食...大家都讚好...開心
 , 埋單RMB150, 又唔使加一...抵呀...係車費貴d o者...食飽大家就返屋企訓訓訓啦...too tired...
2008/5/20 哀悼中國政府宣佈, 由今日起一連三日, 全國為四川地震受難者哀悼......下半旗, 停聖火, 停娛樂, 停股市...
加上香港, 東莞整日落不停既雨, 人少左好多, 街上顯得特別冷清...
今天一早從香港到東莞, 路上一直平靜...
係東莞茶山, 美式快餐店既音樂熄左, 街上電話舖既音樂廣告亦無播, 街上格外寧靜,冷清...
身在大陸既我, 本應以為體會更會深入...但...
食完lunch返黎, 做左一陣野, 準備全國應該係14時28分默哀悼念死難者...但office內同事毫無反應, 如常工作, 有點可惜... (或者佢地需要有帶領...而我無做到...sorry...)
就咁樣, 我一個人同一齊坐係電腦前面遠在香港既朋友一齊默哀...其間聽到外面車響安...原來呢度都有人有做...
過程間, 心裡面感覺實在唔好受, 眼淚水又想走出黎...我諗有心既人都會知道呢種feeling...
朋友說香港也有很多車響安, 很多人默哀...
放工後返房, 發現停娛樂...原來係連電視(有娛樂性...probably=all) 都無得睇...(此刻心中的確有點怨言)
能夠睇到既, 係今日全中國各地哀悼既情況...中國人可以很齊心的, 是吧?
看到香港既情況, 同樣令人感動...從十年前既不中不英, 到而家真正成為中國既地方...
每日不停看新聞, 心裡面每日都唔好受...我只能夠坐係電視機前面...睇...無奈...
2008/5/19 Windows Live Messenger 彩虹行動，送暖到汶川
引述 Windows Live Messenger 彩虹行動，送暖到汶川 2008/5/15 Happy Macau!母親節同屋企人一齊去左澳門玩, 我開左半年有多既空頭支票終於落實...(不過暫時我都未俾錢出黎
 )不過同時亦令我係半個月內兩到澳門, 兩住威尼斯人...不過爸媽姐哥都未去住過...一齊去住靚酒店! no problem!
只係十多日間澳門都有唔少改變...但最大分別既係新葡京多左2支聖火火炬....哈哈...何生好老土呀! Grandpa Chow呢幾日網絡極唔穩定online又offline, off完又on返....激死!
尋晚一怒之下, 就早早走左去訓, 難得我竟然12點幾就去訓! 當然有驚喜...今日個人好精神, 思路好清晰, 哈哈! 2008/5/13 淚眼淚不由自主地流下來了...看到四川地震的新聞, 心裡面很震撼...
我看見被活埋的人, 我看見了傷心欲絕的父母, 我看見他們痛失親人, 看見了驚惶的小孩...很痛...
1.2萬只是一個簡單數字...但內裡都是獨立生命, 涉及的是多少個家庭...多少個親人...
我沒辦法為你們做些什麼, 也不知道可以做什麼, 只能默默祝福你們!
生命是這麼脆弱...
幸福不是必然的... 2008/5/11 disappointed醞釀左成個月既剪頭髮事件, 今日終於圓滿解決...最終都係去返上次TST個間salon, 不過就無搵返之前個 "hair stylist"...(好似好pro咁..但其實...)
有時d野的確要試下其他, 先可以知道原先既有幾好...今次完全明白了...
一早起身就準備要出門口去TST. 今日唔知咩事, 竟然走左去搭西鐵, 可能自己仲有d希望可以快d出到去, 唔好俾人話我次次遲到...結果失望...同搭巴士既時間一樣 + 全程無坐過...
會合左兩位麻煩友之後, 就先去搵食...本來都知道係尖咀想搵經濟又好食既野係難事, 但估唔到付出多d都係無好野食...係TST已經唔知係第幾次上賊船...又係 Ashley road...我諗我唔會再去呢條街食野...
今次食既係地舖既越南餐...希望大家記住唔好幫襯...理由---質素與價錢不相符! (&個人十分討厭港式既越南餐...)
賊船上一次就夠了...
跟住就去cut hair啦, 搵左個值$108既top stylish 黎幫我搞搞個頭...
但個"top stylist"幫我洗頭竟然可以洗到我條頸都濕埋...幫我剪頭髮既時間落刀都可以唔睇...隻眼係度昅隔離位個女仔...
 最後既效果當然唔理想啦...無下次啦zero生...最後仲要推銷我買 gel, 咁o岩我用哂諗住試下佢地個d...
本來都無乜野, 但pig生不約而同之下買左...佢竟然買平我16蚊...而家咩事先zero生????
Cut完hair又去左食tea...然後會合死神返上水買野...臨走既時候竟然撞到全身包满型氣既型興...真係好型呀!
P.S. 返到屋企先發現, 件衫條領染左藍色...諗黎諗去都諗唔明...件衫係新架, 今日第一次著..就咁報銷啦...阿媽最後問我係咪洗頭d毛巾甩色呀? 我...
2008/5/8 what a research!!研究：睡少於六小時最易肥
(明報) 05月 08日 星期四 12:05AM
美疾病管制中心的研究報告指，每天睡眠時間不到六小時，肥胖比率最高達到33.3%。
由於美國有高達7000萬人口為失眠或是慢性睡眠失調問題所惱，因此疾病管制中心自一九七七年起開始監測成人睡眠的相關問題。最新公布的這項研究報告，是針對二零零四年到零六年間，美國十八歲以上成人的睡眠與吸煙、飲酒、休閒活動、以及肥胖之間關係，所完成的報告。 研究調查顯示，63%的美國成人每天睡眠時間為七到八小時，每天睡不到六小時的佔了8%，六小時為21%，9%則是一天睡九個小時以上。 結果顯示，在每天睡眠不到六小時的成人中，肥胖比率最高，為33.3%；每天睡覺時間在七到八小時之間的成人，胖子比例最少，只有22.2%；每天睡六小時的胖子佔28.4%；而一天睡眠超過九小時成人中，胖子則佔了26.3%。 據了解，美國肥胖者平均佔總人口的24.7%。 另外，美國成人平均吸煙比率為20.8%。這項調查指出，睡眠時間太少與太多的成人，吸煙人口的比率也比較高。其中，睡不到六小時的吸煙比率為31%，睡超過九小時為26%；睡眠時間七到八小時者，吸煙人口比率最低，只有18%。 調查顯示，亞裔是美國各族裔成人中最健康的族群，每天喝酒五杯以上的比率為8.5%，遠低於全美平均的19.7%；亞裔吸煙人口也只佔11.1%，比全美平均的20.8%。 不過從這份調查可以看出亞裔缺乏休閒活動的生活，沒有休閒生活的比率高達39.7%。 this is...inflation星期日同臭力, 弼燊, gip & 臭簡一行5人出去pizza hut gather一下. 叫野食既時候, 先發現原來通脹已經去到咁嚴重既程度. 過往大概$100蚊既pizza 大批, 新口味竟然定價去到$180-$200...好似有d 過份喎!
2008/5/7 bike up my life!Dahon SP16
it costs alot...for exchanging health both physically and mentally.
i really need some exercises and hobby... 2008/5/6 one year一年了, 去年今日出發到London展開2個月既歐洲遊歷--一段人生難得既旅程. 很懷念.
近日聽到幾位朋友會歐遊, 心裡實在高興, 希望你地有一段快樂既旅程...
P.S. 我部400D第二次歐遊啦, 竟然比我仲多...哈哈! Vincent哥好好照顧佢啊...
同時我選擇了今日back to hell, so sad, 過去個2 weeks 好似放左個大假咁...
外面下雨了... |
|
|
