近日不斷反思自己生活, 發覺自己原來一直以黎都過住d好廢既生活...因為係屋企最細, 由小開始已經好習慣依賴... 到今日仍然係!

唔識煮野食, 唔識洗衫, 唔識做家務...被人笑, 被人話...抵死!

依賴, 懶惰就培養左出黎, 慢慢開始連自己識做既野都開始唔想做...而且越來越誇張了...砌電腦, 揀電腦, 加RAM, 去旅行搵路, book hotel, 搵髮型師, 搵牙醫, 報稅, 搵financial planner, 揀單車, 買麥記...全數假手於朋友, 屋企人, 跟得就跟, 自己就偷懶, 等運到...而家諗返? 心寒!

唔明自己咩事可以廢到咁既程度...朋友? 見到你都驚啦! 仲有朋友?

朋友? 相信大多數人都會認為我唔係一個good friend(睇facebook d ranking就知啦!), i can't deny...this is true...because I am fooking lazy to keep a relationship! fooking lazy to keep contact! fooking lazy to give a call! fooking lazy to say hello! Shame on me! 甚至連自己既另一半, 自己既終身幸福都懶得去主動搵, 去出擊...真抵死! 祝你孤獨終老!

 

recently知道最唔鍾意讀書既朋友都返學校進修, 考各式各樣既qualifications, 同輩既朋友重返校園2年已經大學畢業, 讀緊, 想讀master既朋友身邊比比皆是...哈哈哈!
而我每日就係咁, 坐係電腦前面唔知做乜...又一day了!

 

P.S. 對於之前一直係身邊幫我, 救我, 被我用既朋友, 屋企人, 想同你地講想sorry...我知我呢種人有幾廢...你地忍得辛苦了!

上個星期五中午返到香港, 換返香港電話咭後出奇地有人打黎, 仲要好出奇地係皮皮bo打黎叫食dinner!! 簡直係奇蹟!! 本來個日very tired打算返屋企食陪屋企人, 但因為咁罕有既事都俾我遇到, 點都要橕橕場! 好啦! 皮皮bo就話青衣城食啦!但要等到佢8點...幾夜都等!no problem!

其實青衣我人生路不熟, 上網搵搵kmb有巴士從荃灣去, 就是但...去到竟然要打電話俾皮皮bo求救+用mapking搵路, 幾經辛苦搵到青衣城, 等左一陣皮皮bo就到...

原來皮皮bo亂咁up當秘笈...佢無諗過食咩架, 頂! 左度右度, 就Spaghetti House啦!

 

等左好耐好耐, 終於入到去就即點左個餐+ 1碟闊麵, 仲有...2杯drinks...

野食未到, drinks先到...其實我唔係好like d drink 要自己加糖, 因為份量我自己都唔知要落幾多先適中...

呢杯糖水就放左係中間...點知皮皮bo一個唔該, 就將佢盡倒入佢杯milk tea中...當我發現既時候佢已經係將最後幾滴糖毫不留情咁fing入杯中...

 

我: 你做乜倒哂d糖呀, 2杯野share d 糖架喎...

皮皮bo: 下, 唔係呀, 我慣左倒哂架喎...

我: 下, 但我未落喎...而且你唔驚甜咩?

皮皮bo: 下, 唔係掛, 點會呀, 試下先...

我: ....

 

係呢一刻目睹皮皮bo既表情...我既無奈又同情...哈哈哈!!! sorry忍唔住!!! 影返張相留念啦!!! 好滿呀你杯milk tea...

 

除左個湯, 其他野食都不俗...

芒果做料既pizza都唔錯架, 不過最後食到飽飽飽...食唔哂...

埋單HKD365...都幾貴喎, eee...點解唔係皮皮bo請呀? 極失望喎...